Сүрүн Уопсастыба

Бырамыысыланнаска оҥорон таһаарыы 14,1% үрдээбит

2021 сылга өрөспүүбүлүкэҕэ баалабай эрэгийиэннээҕи бородуукта (ВРП) 1 458,8 миллиард солкуобайга тэҥнэһэн, иллэрээ сыллааҕар 10,5%-нан үрдээбитин Стратегическай чинчийии киинэ бэлиэтиир.

Оттон “Росстат” дааннайынан, 2022 сыл тохсунньу-кулун тутар ыйдарыгар бырамыысыланнай оҥорон таһаарыы индексэ 113,9%-ҥа тэҥнэспит. Бу таас чоҕу, ньиэби, гааһы, кыһыл көмүһү хостооһун улааппытыттан тутулуктаах. Ол курдук, таас чоҕу хостооһун 23,1%, гааһы —  26%, ньиэби — 10,8%, гаас концентратын —  21,7%, кыһыл көмүһү — 7,6% үрдээбит.

Кулун тутардааҕы көрдөрүүнэн, былырыыҥҥыны кытары тэҥнээтэххэ, бырамыысыланнаска оҥорон таһаарыы кээмэйэ уопсайынан 14,1%-нан үрдээбит.

Бүгүҥҥү күҥҥэ Саха сирэ Уһук Илиҥҥэ эрэ буолбакка, бүтүн Арассыыйаҕа экэнэмиичэскэй сайдыыны кэрэһилиир эрэгийиэн буолар. Сааҥсыйаларга бэриммэккэ, экэниэмикэ бигэ туруктаахтык сайдарын ситиһиэхтээхпит, — диэн Ил Дархан Айсен Николаев этэр.

Ангелина Васильева, “Саха сирэ” хаһыат, edersaas.ru

Хаартыска: sakhagov.ru

0
0
Telegram @edersaas20