Улуус кииниттэн 90 килэмиэтир тэйиччи сытар Быракаан нэһилиэгин ыаллара киин ититэр ситимҥэ холбонон, үгүс кыһалҕалара быһаарыллан эрэр. Аны бу күннэргэ ыраас уу хас биирдии дьиэҕэ киирэн эрэр.
Бу үөрүүлээх сонуну биһиги саайтпытыгар Быракаантан Байанаевтар дьиэ кэргэн үллэһиннилэр. Ол курдук 2016-2017 сылларга нэһилиэктэр аайы сир анныттан скважина көмөтүнэн ууну таһаарарга аналлаах бырайыак үлэлээбит эбит. Ону нэһилиэк баһылыга Алексей Оконосов сүүрэн-көтөн үлэлэһэн, былырыын күһүн 140 миэтэрэ дириҥнээх сиртэн ууну таһаартарбыттар.
Быракааҥҥа саҥа кыбартаалынай хочуолунай үлэҕэ киирэн, скважина уутун онно тиэрдэннэр, бу күннэргэ ититиигэ холбоммут ыалга ыраас уу тиийдэ. Уу анаалыһыгар тимир баара биллэр. Онон бастаан утаа тиэхиньиичэскэй сыалга туһаныахтара.
edersaas.ru