Маны аах Уопсастыба

Быракааннар Аҕа күнүн дьоһуннук бэлиэтээтилэр

2022 сылга Үөһээ Бүлүүгэ Олоҥхо ыһыаҕа ыытыллыахтаах Түгэхтэй алааһыгар 21 нэһилиэккэ түһүлгэ сирин түҥэппиттэрэ. Ол түһүлгэбитигэр улуус салалтата үбүлээн,
балаҕан тутуллуохтаах. Онтон нэһилиэктэр анаммыт сирбитин бэйэбит оҥостуохтаахпыт.

Быракаан нэһилиэгин аҕалара Арассыыйатааҕы Аҕа күнүн чэрчитинэн, Олоҥхо ыһыаҕар ыҥырыылаах ыалдьыттары көрсөр түһүлгэбитигэр мустан, ураһа, сэргэлэр турар миэстэлэрин Түгэхтэй алааһыгар субуотунньуктаатылар. Бу субуотунньукка Быракаан аҕа саастаах холобур буолар аҕалара, күтүөттэр, нэһилиэкпит ыччата, улууска олорор биир дойдулаахтарбыт мустан, биир улахан суолталаах үлэни үмүрүттүлэр.



Бу буолар дьиҥнээх аҕа барахсан холобура. Кэлэр сайын түһүлгэбитигэр араас тутуу дьэндэйэн, бар дьону үөрдүө диэн эрэнэбит.

Быракаантан Альбина Алексеева.

0
0