Быракаан амарах санаалаах үөрэнээччилэрэ
Олох-дьаһах

Быракаан амарах санаалаах үөрэнээччилэрэ

Үөһээ Бүлүү улууһун Быракаан нэһилиэгин дьоно-сэргэтэ кэнчээри ыччаттарыттан үөрэллэр.
Үтүө сонуннарын улуустарын дьаһалтатын саайтыгар Альбина Алексеева иһитиннэрбит. Ол курдук, «Добрая зима РДШ» бүтүн Арассыыйатааҕы аахсыйа чэрчитинэн, Быракаан сүрүн оскуолатын «Эйикчээн» оҕо хамсааһынын оҕолоро бу аахсыйаҕа үөрэ-көтө кыттыстылар диэн суруйар.
—Нэһилиэкпит аарыма кырдьаҕаһыгар, Егор Герасимович Яковлевка, оскуола кыргыттара кэлэн иһэр Аҕа дойдуну көмүскээччилэр күннэринэн аккырыыкка оҥорон уонна ис санааларыттан ас астаан бэлэх ууннулар. Оттон оскуолабыт уолаттара нэһилиэкпит биир кырдьаҕас ыалыгар И.Е.Мироновтаахха сылгы далын ыраастаан көмөлөстүлэр.

Бу барыта оҕолорбут бэйэлэрин көҕүлээһиннэрэ буоларыттан, ис сүрэхтэриттэн үтүө дьыаланы оҥорорго дьулуһалларыттан олохтоохтор олус үөрэбит, — диэбит Альбина Алексеева.

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

девятнадцать − 9 =