«Агростартап» гранын быйылгы куонкуруһугар 23 улуустан 140 сайабылыанньа бэриллибититтэн ситэтэ суох докумуоннаахтар туоратыллан, куонкуруска 122 бырайыак киллэрилиннэ.
Куонкуруска кыттааччылар бырайыактарын атырдьах ыйын 18-20 күннэригэр Тыа хаһаайыстыбатын миниистирин солбуйааччы Николай Афанасьев салайааччылаах 15 киһилээх хамыыһыйа иннигэр көмүскүөхтэрэ. Хас биирдии киһиэхэ 5 мүнүүтэ бэриллэр. Пандемиянан сибээстээн, куонкурус тэйиччиттэн, видеокэнпириэнсийэ киэбинэн тэриллэр.
Санатан суруйдахха, «Агростартап» грана «Дьоҕус уонна орто урбаан итиэннэ биирдэм урбаан көҕүлээһинин сайыннарыы» национальнай бырайыак чэрчитинэн, 2019 сылтан үлэлиир. Куонкурус кыайыылаахтара хайысхаларынан тутулуктанан 5 мөл. солк тиийэ субсидияны ылыахтара. Быйыл бу бырагырааманан 107 мөл. 904 тыһ. солк көрүлүннэ.
Раиса Сибирякова.