Бырайыакка кыттарга нэһилиэнньэ баҕата наада

Бөлөххө киир:

«Уһук Илиҥҥэ 1000 тиэргэн» бырайыак соругунан Уһук Илин нэһилиэнньэтин олорор, сынньанар усулуобуйатын тупсарыы, ол иһигэр элбэх кыбартыыралаах олорор дьиэлэр тула хаачыстыбалаах уонна табыгастаах эйгэни, былаһааккалары оҥоруу, буолар.

СӨ Ил Дархана Айсен Николаевы кытары сыл түмүгүнэн көрсүһүүгэ бу боппуруос эмиэ таарылынна.

edersaas.ru

Айсен Николаев быһааран биэрбитинэн, өрөспүүбүлүкэҕэ эрэ буолбакка, бүтүн Уһук Илинҥэ олоххо киллэриллиэхтээх бырайыак чэрчитинэн, нэһилиэнньэ ахсааныттан көрөн, өрөспүүбүлүкэ улуустарыгар барытыгар харчы тыырыллыбыта. Бырайыагы олоххо киллэрэргэ федерация бүддьүөтүттэн 121 тиэргэҥҥэ 846 мөлүйүөн солкуобай бэриллибитэ.
Айсен Николаев:
— Сайаапка биэрбит тиэргэннэр бырайыактарын билиһиннэрии болдьоҕо олус ыгым, ахсынньы 15 күнүгэр диэри этэ. Ол түмүгэр биллибитинэн, ордук бэлэмнээҕинэн Дьокуускай куорат ааттанна. Дьокуускай куорат бу бырайыакка 75 тиэргэн киирэр кыахтааҕын биллэрдэ.

Инникитин бырайыак киэҥник тарҕанан, улуустарга эмиэ олоххо киллэриллиэҕэ. Бу бырайыакка инники үлэбит туһунан эттэххэ, олохтоох көҕүлээһин чэрчитинэн барыаҕа. Ол чэрчитинэн киин улуустарга эрэ буолбакка, хотугу сиргэ эмиэ тиэргэннэр оҥоһуллуохтара (уопсайа 124 тиэргэн).
Маныаха «Уһук Илиҥҥэ 1000 тиэргэн» бырайыакка кыттарга үөһэттэн этиини күүтэн олорбокко, улуустар, муниципальнай тэриллиилэр бэйэлэрин көҕүлээһиннэрэ, нэһилиэнньэ баҕата наада», -– диэтэ.

Надежда ЕГОРОВА, «Саха сирэ», edersaas.ru

+1
0
+1
0
+1
0
+1
0
+1
0
+1
0
+1
0