Бырабыыталыстыба Уһук Илиҥҥэ субсидияланар авиарейстэри кэҥэттэ
РФ бэрэсидьиэнин Владимир Путин сорудаҕынан Арассыыйа бырабыыталыстыбата федеральнай бүддьүөттэн үбүлэнэр субсидияланар авиарейстэри кэҥэттэ. Бу кэрискэҕэ эбии 42 саҥа маршрут киирдэ.
edersaas,.ru
2013 сыл ахсынньы 25 күнүнээҕи Бырабыыталыстыба уурааҕар уларытыылары киллэрэн, 1242 №-дээх туһааннаах уураахха премьер Михаил Мишустин илии баттаата.
Саҥа кэрискэнэн субсидияҕа тиксэр ураты быраабы Арассыыйа аныгы сөмөлүөттэрин туһанааччылар уонна тиэйээччилэр ылаллар.
Эбии субсидияланар 42 маршрукка Уһук Илин федеральнай уокуругун нэһилиэнньэлээх пууннарыгар көтөөччүлэр киирдилэр.
“Уһук Илин уонна Арктикаҕа эрэгийиэннэригэр авиа-тиэйиилэр – болҕомто ууруллар тиэмэлэртэн биирдэстэрэ. Манныга суох Уһук Илин экэниэмикэтэ сайдар, дьон олоҕо тупсар кыаҕа суох. Онон бу салааҕа болҕомто ууруллуохтаах, тоҕо диэтэххэ, хамсык кэмигэр эрэгийиэн авиахампаанньалара олус оҕустардылар”, — диэтэ РФ Уһук Илини уонна Арктиканы сайыннарыыга миниистирэ Александр Козлов.
От ыйыгар Бырабыыталыстыба саппаас пуондаттан 3 млрд. солкуобай субсидияны РФ сиригэр-уотугар пассажирдары тиэйиигэ уонна эрэгийиэн тиһигин тэрийиигэ биэрбитэ. Бу сорох хайысхаларга билиэт сыанатын аччатыаҕа. Онон бу уураах көмөтүнэн 450 тыһыынча киһи эбии туһаныаҕа.
“РФ Бырабыыталыстыбата саппаас пуондаттан харчы биэрбитэ уонна билигин маршрут тиһигин кэҥэтиигэ субсидияны биэрии быраабылатыгар уларытыылар киирдилэр”, — диэтэ Александр Козлов.
Санаттахха, атырдьах ыйын саҥатыгар буолбут мунньахха Юрий Трутнев Росавиацияҕа Арассыыйа экэниэмикэҕэ сайдыытын министиэристибэтин уонна Уһук Илиҥҥэ уонна Арктикаҕа үлэлиир авиахампаанньалары кытта тиэйээччилэргэ көрүллэр миэрэлэр төһө көдьүүстээхтэрин ырыталларыгар уонна авиахампаанньалар быыстала суох үлэлииллэрин хааччыйыыга эбии миэрэлэри ылынарга этиилэри киллэрэргэ эппитэ.”Авиатиэйээччилэри өйүүргэ федеральнай бүддьүөттэн төһө үбү биэрэр сөптөөҕүн ырытыахха. Ол түмүгүнэн этиилэри киллэриэххэ уонна бырабыыталыстыбаҕа дакылаат бэлэмниэххэ”, — диэбитэ вице-премьер.
Сахагов саайтан
Бэлэмнээтэ Женни СТРЮКОВА.
Хаартыска: интэриниэттэн