Бырабыыталыстыба тыа сиригэр үлэлии барар эмчиттэргэ өйөбүлү кэҥэттэ
Арктикаҕа үлэлии көһөр эмчиттэр төһө кээмэйдээх төлөбүрү ылыахтарай?
2021 сыл тохсунньу 1 күнүттэн тыа сиригэр эбэтэр Арассыыйа кыра куораттарыгар үлэлии көһөр өссө мэдиссиинэ үлэһиттэрэ толуйууну ылыахтара. Маныаха сөптөөх уларыйыылары “Доруобуйа харыстабылын сайыннарыы” судаарыстыбаннай бырагырааматыгар Бырабыыталыстыба Бэрэссэдээтэлэ Михаил Мишустин киллэрдэ.
Бөһүөлэктэргэ эбэтэр 50 тыһыынча киһиэхэ диэри нэһилиэнньэлээх куораттарга үлэлии барар эмчиттэр биир кэмнээх төлөбүрү ылаллар: быраастар – 1 мөл. солкуобай, биэлсэрдэр – 500 тыһ. солкуобай. Оттон нэһилиэнньэлээх пууннар куһаҕан суоллаах-иистээх тэйиччи сытар буоллахтарына, толуйуу кээмэйэ туһааннааҕынан 1,5 мөл солкуобайга уонна 750 тыһыынча солкуобайга диэри улаатан биэриэҕэ. Уһук Илини, Уһук Хоту дойдуну эбэтэр Арктика зонатын талааччыларга төлөбүр туһааннааҕынан 2 мөл. солкуобайга уонна 1 мөл. солкуобайга тэҥнэһиэҕэ.
РФ Бырабыыталыстыбатын саайтыттан
Бэлэмнээтэ Женни Стрюкова
Хаартыска: саайтан