Бырабыыталыстыба тыа хаһаайыстыбатын табаарын оҥорооччуларыгар чэпчэтиилээх кирэдьиити биэриигэ өссө 5 млрд солкуобайы көрдө
Тыа хаһаайыстыбатын табаары оҥорооччуларыгар чэпчэтиилээх кирэдьиит бырагырааматын өйүүргэ эбии 5 млрд солкуобайы ыытыахтара. Бу 5 тыһыынча иэһи субсидиялыырга көмөлөһүөҕэ. Маннык дьаһалга Бырабыыталыстыба Бэрэссэдээтэлэ Михаил Мишустин илии баттаата.
Үп-харчы агробырамыысыланнай комплекс тэрилтэлэригэр чэпчэтиилээх иэһи (сойуом) биэрэр кирэдьииттиир тэрилтэлэри субсидиялааһыҥҥа барыаҕа. 2021 сылга бу сыалга 90 млрд солк. кэриҥэ көрүллүбүтэ. Эбии үбүлээһин Арассыыйа Киин баана тутаах ыстаапкатын үрдэппитин кытта сибээстээх. Бу үбү Бырабыыталыстыба саппаас пуондатыттан ылыахтара.
“Маннык быһаарыы ыһыы хампаанньатын кэмигэр ордук суолталаах, бу үлэ хайы-үйэ сорох эрэгийиэннэргэ саҕаланна”, — диэн Михаил Мишустин Бырабыыталыстыба мунньаҕар бэлиэтээтэ.
Аграрийдарга чэпчэтиилээх кирэдьиит бырагыраамата 2017 сыллаахха саҕаламмыта. Бу чэрчитинэн тыа хаһаайыстыбатын табаары оҥрооччулара кылгас болдьохтоох эбэтэр инвестициялыыр кирэдьиити үүнээйини үүннэриигэ уонна сүөһүнү иитиигэ, ону тэҥэ тыа хаһаайыстыбатын сырьетун астыыр тэрилтэлэри тутууга, саҥардан оҥорууга 5 бырыһыаннаах ыстаапканан ылыахтарын сөп. Чэпчэтиилээх кылгас болдьохтоох кирэдьиит 1 сылга диэри, инвестициялыыр – 2-тэн 15 слыга диэри бэриллэр.
РФ Бырабыыталыстыбатын саайтыттан
Бэлэмнээтэ Женни Стрюкова
Хаартыска: тустаах саайтан