Бырабыыталыстыба туристыыр кэшбеги уһатта. Онон Арассыыйа устун тохсунньу 10 күнүгэр диэри айанныахха сөп.
Арассыыйа олохтоохторо турист кэшбегин бырагырааматынан саҥа усулуобуйаларга туһаныахтара. Бу туһунан уураахха Бырабыыталыстыба Бэрэссэдээтэлэ Михаил Мишустин илии баттаата.
Туристыыр өҥөнү биэрии болдьоҕо 2021 сыл тохсунньу 10 күнүгэр диэри уһуоҕа. Билигин туһааннаах бырагырааманан отеллар уонна туроператордар эрэ буолбакка, туристическай агрегатордар кыттар кыахтаныахтара. Кэшбектээх туристическай өҥөнү атыылааһын уонна бүтэр болдьоҕун туһунан Ростуризм кэнники биллэриэҕэ.
Туурга эбэтэр гостиницаҕа олоруу кыра болдьоҕо саҥа усулуобуйанан 4-тэн 2 түүҥҥэ диэри аччаата, путевка саамай намыһах сыаната аны хааччахтаммат (эрдэ – 25 тыһыынча солкуобай этэ). Муҥутуур төннөрүү туртан 20 бырыһыаҥҥа тэҥнэһэр, ол эбэтэр 20 тыһ. солк. ордуо суохтаах (эрдэ 15 тыһ. солк. этэ).
Бырагыраама булгуччулаах усулуобуйата – “Мир” каартанан төлөөһүн оннунан хаалла. Бу каартаҕа айаҥҥын төлөөбүтүҥ биэс күн иһинэн быһалыы харчы түһүөҕэ.
Бастаан Арассыыйа иһинээҕи туурдары атыылаһыыга сорҕотун толуйууга 15 млрд солкуобай көрүллүбүтэ. Бырагыраама бастакы түһүмэҕин чэрчитинэн кэшбектээх туурдары уонна олорууну атырдьах ыйын 21 күнүттэн 28 күнүгэр диэри атыылаһыахха сөп этэ. Манан айаны бу сыл бүтүүтүгэр диэри туһаныахтааҕыҥ. Атыылааһын иккис түһүмэҕэ балтараа ый устата ыытыллыаҕа.
РФ Бырабыыталыстыбатын саайтыттан
Бэлэмнээтэ Женни Стрюкова, edersaas.ru саайтка
Хаартыска: интэриниэттэн