Бырабыыталыстыба отчуота олунньуттан саҕаланыаҕа

Ааптар: 
Бөлөххө киир:

Үгэс быһыытынан сыл аайы ыытыллар Саха сирин Бырабыыталыстыбатын нэһилиэнньэҕэ отчуота быйыл олоҕурбут көрүҥүнэн  ыыттыллара былааннанар, хамсык хааччахтарын учуоттаан туран.

Бу туһунан Бырабыыталыстыба Бэрэссэдээтэлэ Андрей Тарасенко отчуоту тэрийии  мунньаҕын кэмигэр биллэрдэ.
«Бу сыллааҕы Бырабыыталыстыба үлэтин түмүктэрин туһунан отчуоту миэстэтигэр тиийэн  көрсүһүү форматынан ыытар былааннаахпыт. Биллэн турар, эпидемиологическай туругу учуоттаан туран үлэлиэхпит. Ил Дархан Айсен Николаев туруорбут соругун  олохтоох нэһилиэнньэни кытта ыкса үлэлэһии ньымаларын сайыннарар сыаллаах үлэни ыытабыт. Маҥнайгы бөлөхтөр олунньу саҥатыттан үлэлэрин саҕалыахтара”, — диэтэ Андрей Тарасенко.

Бырабыыталыстыба отчуота «Саха» НКИХ телеханаалыгар быһа биэрииттэн саҕаланыаҕа. Онно Бырабыыталыстыба Бэрэссэдээтэлэ өрөспүүбүлүкэ улуустарыгар тиийэр бөлөхтөр туһунан кэпсиэҕэ.

Санатан эттэххэ, судаарыстыбаннай былаас толорор уорганнара нэһилиэнньэ иннигэр отчуоттуур үлэлэрэ 1998 сылтан Саха сиригэр ыытыллар. 2020 уонна 2021 сылларга өрөспүүбүлүкэ Бырабыыталыстыбатын отчуоттуур үлэтин хамсык хааччахтарын тутуһан видео кэмпириэнсийэ форматынан ыытыллыбыттара.

Бырабыыталыстыба сыллааҕы отчуотун кэмигэр нэһилиэнньэттэн ортотунан 3 тыһ. кэриҥэ ыйытыылар, этиилэр киирэллэр. Киирбит этиилэр былаас араас таһымнаах уорганнарыгар үлэҕэ ылыллаллар. Бырабыыталыстыба отчуотун үлэтин хаамыытын туһунан эрэгийиэн анал порталыгар https://otchet2020.sakha.gov.ru/ билсиэххэ сөп буолуо.

«Саха сирэ» хаһыат, edersaas.ru

Хаартыска sakha.gov.ru

+1
0
+1
0
+1
0
+1
0
+1
0
+1
0
+1
0