Доруобуйа

Бырабыыталыстыба коронавирустаабыт дьону эмтииргэ 11 млрд солкуобай кэриҥин көрдө

Өссө 10,9 млрд солкуобайы эрэгийиэннэргэ хамсык дьаҥынан ыалдьыбыт дьону босхо эминэн хааччыйыыга ыытыахтара. Маннык дьаһалга Бырабыыталыстыба Бэрэссэдээтэлэ Михаил Мишустин илии баттаата.

Харчы Бырабыыталыстыба саппаас пуондатыттан киириэҕэ уонна 1,8 мөл  тахса киһини эминэн хааччыйыаҕа.

Бу дьиэлэригэр быраастар көрүүлэринэн эмтэнэр амбулаторнай мэдисиинэ көмөтүн ылар дьоҥҥо сыһыаннаах. Ыарыылара бэргээбэтин туһугар кинилэргэ эмтээһин комбинированнай тиһигин аныыллар. Бары наадалаах препараттары эмтиир быраас рецебинэн босхо биэрэллэр.

Туһааннаах быһаарыыны Коронавирус дьаҥын тарҕаныытын бохсор сүрүннүүр сэбиэт мунньаҕар ылыннылар.

РФ Бырабыыталыстыбатын саайтыттан

Бэлэмнээтэ Женни Стрюкова

Хаартыска: тустаах саайтан

0
0
Telegram @edersaas20