Бырабыыталыстыба ипэтиэкэҕэ сойуому биэрэр тэрилтэлэргэ ирдэбили чопчулаата
Ипэтиэкэҕэ харчыны бааннар эрэ буолбакка, атын үп тэрилтэлэрэ эмиэ биэриэхтэрэ. Кинилэргэ туох ирдэбил турарын манна ааҕыҥ.
Бырабыыталыстыба ипэтиэкэҕэ иэс харчы биэрэр тэрилтэлэргэ ирдэбили чопчулаата. Бу ырыынакка чиэһинэй дьону кытыннаран, дьиэ атыылаһар дьон быраабын күүһүрдэр туһугар оҥоһулунна.
Билигин ипэтиэкэҕэ харчыны бааннар эрэ буолбакка, атын үп тэрилтэлэрэ эмиэ биэриэхтэрэ. Онон кинилэр “ДОМ.РФ” АУо салайар боломуочуйалаах хампаанньаларын испииһэгэр (кэрискэтигэр) киириэхтээхтэр.
Маннык испииһэк быраабылатын уонна кыттааччыларга сүрүн ирдэбиллэр туһунан Бырабыыталыстыба 2020 сыл кулун тутар ыйдааҕы уурааҕар бигэргэммитэ. Бастаан бу кэрискэҕэ ырыынакка уопуттаах хампаанньалар киирэллэр диэн этэ (2019 сыл алтынньы ыйыгар диэри 200 итэҕэһэ суох ипэтиэкэ харчытын биэрбиттэр).
Саҥа уураах ити тэрилтэлэр ханнык кирэдьиити биэрбиттэрин чопчулуур. Чуолаан, иэс харчы кээмэйэ 500 тыһ. солкуобайтан кырата суох буолуохтаах, кыра болдьоҕо – 36 ый. Харчыны биирдэ ыыппыт буолуохтаахтар. Маны сэргэ бырыһыан ставката ипэтиэкэ кирэдьиитигэр бырыһыан орто ставкатын икки төгүл аһарыа суохтаах, оттон дуогабарга толуйууга биэрэр баайдарын-дуолларын страховкалааһын суруллуохтаах.
Сымыйа чахчылары биэрдэҕинэ тэрилтэ кэрискэттэн уһуллуохтаах.
РФ.Бырабыыталыстыбатын саайтыттан
Бэлэмнээтэ Женни Стрюкова
Хаартыска: тустаах саайтан