Уопсастыба Экэниэмикэ

Бырабыыталыстыба хамыыһыйатыгар Өлүөнэ муостатын туһунан дьүүллэстилэр

Кулун тутар 11 күнүгэр Москваҕа РФ Бырабыыталыстыбатын бэрэссэдээтэлин солбуйааччы Марат Хуснуллин салалтатынан, эрэгийиэннэр сайдыыларыгар анаммыт Бырабыыталыстыба хамыыһыйатын мунньаҕа буолан ааста.

Хамыыһыйа мунньаҕар Саха сирин Ил Дархана Айсен Николаев уонна СӨ Бырабыыталыстыбатын бэрэссэдээтэлин бастакы солбуйааччы Дмитрий Бердников кыттыыны ыллылар. Хамыыһыйа чилиэннэрэ Өлүөнэ муостатын тутуутун бырайыагын көрдүлэр.

«Сүрүннээн муоста тутуутун бырайыагын өйүүбүн, ол эрээри, бырайыак сыанатын өссө төгүл чопчулаан көрүөххэ наада дии саныыбын. Саха сирин салайааччыта, Минтранс, Росавтодор уонна Главгосэкспертиза икки нэдиэлэ устата бырайыагы үп өттүттэн өссө биирдэ чопчулаан үөрэтэригитэр көрдөһөбүн», – диэтэ Марат Хуснуллин.

«Бырабыыталыстыба хамыыһыйата уонна вице-премьер бырайыагы өйөөтүлэр. Бүгүн Марат Шакирзянович биһиэхэ бырайыакка үлэ чэрчитинэн көннөрүүлэри киллэрэргэ сорук туруорда. Сотору кэминэн бу соругу быһаарарга профильнай федеральнай салалталары кытта көрсүөхпүт», — диэн мунньах түмүгүн Айсен Николаев биллэрдэ.

0
0
Telegram @edersaas20

Добавить комментарий