Бырабыыталыстыба эрэгийиэннэргэ кислород концентратордарын ылыыга уонна тиэрдиигэ 5 млрд солкуобайтан тахса сууманы көрдө
5 млрд тахса солкуобайы эрэгийиэннэргэ хамсык дьаҥар сутуллубут дьону эмтээһиҥҥэ кислород концентратордарын атыылаһыыга анаан ыытыахтара. Маннык дьаһалга Бырабыыталыстыба Бэрэссэдээтэлэ Михаил Мишустин илии баттаата.
Үбү-харчыны бу тэрилгэ наадыйар 50 эрэгийиэҥҥэ биэриэхтэрэ. Бачча үбүнэн 157 концентраторы атыылаһыахтара, тиэрдиэхтэрэ уонна таҥан туруоруохтара.
Тустаах быһаарыыны сэтинньи 1 күнүгэр ыытыллыбыт дьаҥ тарҕаныытын бохсууну сүрүннүүр сэбиэт мунньаҕар ылыммыттара. Михаил Мишустин Доруобуйа харыстабылын министиэристибэтигэр эрэгийиэннэри кытта түргэнник сөбүлэһиини түһэрсэргэ соруйбута. Оттон Минпромторг эрдэттэн бу тэрилгэ наадыйыыны чопчулууругар сорудахтаммыта.
Атырдьах ыйыгар кислород концентратордарын атыылаһыыга уонна тиэрдиигэ Бырабыыталыстыба 651,9 мөл тахса солкуобайы көрбүтэ. Харчыны Арассыыйа 20 эрэгийиэнигэр ыыппыттара.
РФ Бырабыыталыстыбатын саайтыттан
Бэлэмнээтэ Женни Стрюкова
Хаартыска: тустаах саайтан