Бырабыыталыстыба эрэгийиэннэр бүддьүөттэригэр 80 млрд солкуобайы ыытта

Ааптар: 
Бөлөххө киир:

Хамсыктан сылтаан бүддьүөттэригэр дохуот киириитэ аччаабыт 39 эрэгийиэҥҥэ харчыны түҥэтэр туһунан ким дьаһайда?

Арассыыйа эрэгийиэннэрэ бүддьүөттэрин тиһигэ туруктаах буоларын туһугар үбү-харчыны ылыахтара. Маннык дьаһалга Бырабыыталыстыба Бэрэссэдээтэлэ Михаил Мишустин илии баттаата.

Ол эбэтэр 80 млрд солкуобайы көрөр туһунан этиллэр. Бу үбү хамсыктан сылтаан бүддьүөттэригэр дохуот киириитэ аччаабыт 39 эрэгийиэҥҥэ түҥэтиэхтэрэ.

Бырабыыталыстыба мунньаҕар Михаил Мишустин бэлиэтээбитинэн, үп-харчы дьон-сэргэ иннигэр социальнай эбэһээтэлистибэлэри барытын толорорго көмөлөһүөҕэ уонна сүрүн болҕомтону ковиды бохсууга эбии кыахтары уурарга туһаайыаҕа.

2020 сылга эрэгийиэннэр бүддьүөттэрин тэҥнээн биэрэргэ 200 млрд солкуобайтан тахса көрүллүбүтэ. Эбии көмөнү оҥорорго Арассыыйа бэрэсидьиэнэ Владимир Путин соруйбута. Маныаха кини инвестиционнай ороскуоттарын үүнүүтэ үрдүк тэтимнээх сирдэргэ ураты болҕомтону уурарга чопчулаабыта.

Үбүнэн өйөбүл Бырабыыталыстыба саппаас пуондатын көмөтүнэн оҥоһуллар.

РФ Бырабыыталыстыбатын саайтыттан

Бэлэмнээтэ Женни Стрюкова

Хаартыска: тустаах саайтан

+1
0
+1
0
+1
0
+1
0
+1
0
+1
0
+1
0