Бырабыыталыстыба биисинэһи чэпчэтиилээх кирэдьиитинэн хааччыйыыга “ФОТ 3.0” кэҥэтиллибит бырагырааманы таһаарар

Ааптар: 
Бөлөххө киир:

Сэтинньиттэн ордук эмсэҕэлээбит предприятиеларга уонна тэрилтэлэргэ “ФОТ 3.0” бырагыраама иккис түһүмэҕин чэрчитинэн сыллааҕыта 3% ставкалаах чэпчэтиилээх кирэдьиити биэрии сөргүтүллэр. Бу сыалга 20 млрд солкуобайы ыытыахтара. Үбү биэрэр туһунан дьаһалга Бырабыыталыстыба Бэрэссэдээтэлэ Михаил Мишустин илии баттаата.

Бу харчыны балтараа сыл устата 12 ыйга хас биирдии үлэһиккэ хамнас биир алын төлөбүрүттэн суоттаан ылыахха сөп. Кирэдьиити сабыы болдьоҕо икки төгүл уһаата – 6-тан 12 ыйга диэри.

“Бастаан сыл аҥаарыгар тугу да төлөөбөккүн – бырыһыаны, сүрүн иэһи даҕаны, онтон 12 ый устата иэс харчыны тэҥ өлүүнэн төлүүгүн”, — диэн чопчулаата Михаил Мишустин Бырабыыталыстыба мунньаҕар тыл этэригэр.

“ФОТ 3.0” бырагырааматынан саҥа кирэдьииттэри биэрии сэтинньи 1 күнүттэн саҕаланыаҕа уонна ахсынньы 30 күнүгэр түмүктэниэҕэ.

Өйөбүлү 17 салаа бэрэстэбиитэллэрэ ылыахтара. Биисинэс көрдөһүүтүнэн оҕолорго уонна улахан дьоҥҥо эбии үөрэхтээһин, оҕолору күнүс көрүү өҥөлөрө, бытовой хааччыйыы, химчистка, стоматология, парикмахерскайдар өҥөлөрө эбиллэн биэрдилэр.

Бырагыраамаҕа кыттыы усулуобуйата оннунан хаалла:  хампаанньалар 90 %  итэҕэһэ суох үлэһиттэрин ахсаанын илдьэ сылдьыахтаахтар. Бу чахчыны ФНС чахчыларынан хонтуруоллуохтара.

+1
0
+1
0
+1
0
+1
0
+1
0
+1
0
+1
0