Бырабыыталыстыба бааннарга “Дьиэ кэргэн ипэтиэкэтэ” бырагырааматыгар кыттыыны судургутутта

Ааптар: 
Бөлөххө киир:

Олус наадалаах ипэтиэкэни биэриигэ элбэх баан кыттар буолбут.  

”Дьиэ кэргэн ипэтиэкэтэ” бырагырааманан чэпчэтиилээх кирэдьииттэри Арассыыйа өссө элбэх баана биэрэр кыахтанна. Ол туһунан уураахха Бырабыыталыстыба бэрэссэдээтэлэ Михаил Мишустин илии баттаата.

Бу иннинэ бырагыраамаҕа бүддьүөт үбүн үллэрии иннинэ сайаапка биэрэ охсубут кирэдьиит тэрилтэлэрэ кытталлара.

Михаил Мишустин бу уурааҕа ити хааччахтааһыны суох оҥорор. Билигин бүддьүөтү хаттаан үллэриигэ бырагыраамаҕа кыттарга сайаапканы саҥа кредитордар биэриэхтэрин сөп. Маны сэргэ бырагыраама эпэрээтэрин толорор үлэтэ Үп министиэристибэтиттэн “ДОМ.РФ” аахсыйалаах уопсастыбаҕа бэрилиннэ. Онон бу тэрилтэ саайтыгар үбү үллэрии уонна саҥа бааннартан сайаапканы тутуу туһунан биллэрии тахсыаҕа.

“Дьиэ кэргэн ипэтиэкэтэ” 2018 сылга тахсыбыта. Бырагырааманы Бэрэсидьиэн Владимир Путин сорудаҕынан үлэлэппиттэрэ. Бырагыраама усулуобуйатынан дьиэни эбэтэр кыбартыыраны атыылаһыыга  6% ордуга суох ставканан кирэдьиити биэрии олохтоммута.

Чэпчэтиилээх ипэтиэкэни 2018 сыл тохсунньу 1 күнүттэн иккис уонна онтон өссө оҕоломмут ыаллар ылар кыахтаахтар. Бырагырааманан көрүллэр кирэдьиити биир оҕолоох эрээри, инбэлиит   буоллаҕына, эмиэ туһаналлар.

РФ Бырабыыталыстыбатын саайтыттан

Бэлэмнээтэ Женни Стрюкова

Хаартыска: тустаах саайтан

+1
0
+1
0
+1
0
+1
0
+1
0
+1
0
+1
0