Доруобуйа Сүрүн

Бырабыыталыстыба автобазатын тырааныспарын Дьокуускай быраастарыгар көмөҕө биэрдилэр

Өрөспүүбүлүкэ Бырабыыталыстыбатын уонна парламенын автобазатын массыыналарын Саха сирин доруобуйатын харыстабылын министиэристибэтигэр биэрдилэр.

Коронавируһунан эпидемиологическай балаһыанньа мөлтөөбүтүнэн сибээстээн, мэдиссиинэ систиэмэтин бары сүһүөҕэр ноҕорууска биллэ улаатта, ол иһигэр дьиэҕэ бырааһы ыҥырыы ахсаана элбээтэ.

Бүгүн Дьокуускайга 198 биригээдэ үлэлиир. Хас биирдии биригээдэҕэ быраас, сиэстэрэ уонна массыына суоппара баар. Олус элбэх ыҥырыы киирэр – массыыната суох быраас барыларын кэрийэн көрөр кыаҕа суох”, — диэн Саха сирин дойруобуйатын харыстабылын миниистирэ Лена Афанасьева иһитиннэрдэ.

Өрөспүүбүлүкэ Доруобуйатын харыстабылын министиэристибэтэ суоттуурунан, куорат поликлиникаларын, 2-с нүөмэрдээх Дьокуускай куораттааҕы балыыһаны, 3-с нүөмэрдээх Дьокуускай куораттааҕы балыыһаны, Мэдиссиинэ киинин тырааныспарынан хааччыйарга өссө 140 массыына ирдэнэр. Бырабыыталыстыба уонна парламент автобазата көрбүт массыыналарыгар эбии министиэристибэлэр уонна биэдэмэстибэлэр массыыналарын туһанарга биэрэллэр.

Суоппардары харыстанар сириэстибэнэн хааччыйаллар, коронавирус дьаҥыттан харыстанар ыйыыны-кэрдиини ааһаллар. Тырааныспарынан хааччыйар сулууспа күннэтэ массыыналары дезинфекциялыыр.

СӨ Ил Дарханын уонна СӨ Бырабыыталыстыбатын пресс-сулууспата.

 

 

 

0
0
Telegram @edersaas20