Бырабыыталыстыба “Артек” инфраструктуратын чөлүгэр түһэриигэ 400 мөл солкуобай кэриҥин көрүөҕэ
Бырабыыталыстыба “Артек” инфраструктуратын чөлүгэр түһэриигэ 400 мөл солкуобай кэриҥин көрүөҕэ.
Крымҥа “Артек” норуоттар икки ардыларынааҕы оҕо киинэ сайыҥҥы халаан уутуттан эмсэҕэлээбититтэн инфраструктураны чөлүгэр түһэриигэ 384,7 мөл солк. кэриҥин ылыаҕа. Маннык дьаһалга Бырабыыталыстыба Бэрэссэдээтэлэ Михаил Мишустин илии баттаата.
Бу үбүнэн-харчынан 14 эбийиэккэ үлэни ыытыахтара. Ол иһигэр “Кипариснай” оҕо лааҕырын олорор куорпуһун, пуорт дьиэтин уонна хас да административнай куорпустары өрөмүөннүөхтэрэ.
Үөрэх министиэристибэтигэр 30 күн устата бары сөбүлэһиилэри түһэрсэргэ уонна бэриллэр үбү көдьүүстээхтик туһаныыны хонтуруоллуурга сорудахтанна. Бу туһунан дакылааты 2022 сыл олунньу 1 күнүгэр диэри бэлэмниэхтээхтэр.
Онон бу ылыныллыбыт дьаһал “Артек” саҥа сезоҥҥа бэлэм буоларыгар олук буолуоҕа.
РФ Бырабыыталыстыбатын саайтыттан
Бэлэмнээтэ Женни Стрюкова
Хаартыска: тустаах саайтан