Бырабыыталыстыбаҕа социальнай гаастааһыны дьүүллэстилэр

Ааптар: 
Бөлөххө киир:

Быйыл РФ Бэрэсидьиэнэ Владимир Путин көҕүлээһининэн дойду эрэгийиэннэригэр социальнай гаастааһын  бырагыраамата олоххо киирдэ. 

Саха сиригэр бу бырагыраамаҕа 82 нэһилиэнньэлээх пууҥҥа  4 тыһыынчаттан тахса  дьиэ хаһаайыстыбалара хапсаллар.  Бу күннэргэ эрэгийиэннээҕи ыстаап уочараттаах мунньаҕар 2022 сыл бүтүөҕэр диэри нэһилиэнньэлээх пууннары салгыы гаастааһын былаан-кыраапыгын дьүүллэстилэр. Бу былаан Арассыыйатааҕы энергетикэ министиэристэбитигэр көрүллүөҕэ.

Ил Дархан Айсен Николаев сорудаҕынан сир учаастактарын кыраныыссаларыгар диэри гаас ситимин тардыыга СӨ Бырабыыталыстыбатын Бэрэссэдээтэлэ  Андрей Тарасенко дьарыктанар.  Бырагырааманы өрөспүүбүлүкэҕэ киллэрэргэ гааһынан хааччыйыы схематын саҥардыахха наада. Ол иһин премьер   Андрей Тарасенко улуус баһылыктарыгар нэһилиэнньэлээх пууннарынан гааһынан хааччыйыы схемаларын  оҥорон ыыталларыгар соруйда.

Елена ПОТОЦКАЯ, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0