СӨ бырабыыталыстыбата 2019 сыллаах өрөспүүбүлүкэ бүддьүөтүн отчуотун туһунан сокуон бырайыагын өйөөтө
СӨ бырабыыталыстыбатын уочараттаах мунньаҕа бүгүн, ыам ыйын 26 күнүгэр, ыытылынна.
Манна вице-премьер Алексей Колодезников СӨ 2019 сыллаах судаарыстыбаннай бүддьүөт туолуутун туһунан отчуоту өйөөтө. Докумуону Үп миниистирэ Валерий Жондоров билиһиннэрдэ.
Сокуон бырайыагар 2019 сыллаах өрөспүүбүлүкэ бүддьүөтүн отчуотугар 220 млрд 005 мөл солкуобай суумалаах дохуоту, 221 млрд 869 мөл солкуобай ороскуоту, онуоха 1 млрд 864 мөл солкуобай ороскуот дохуоту аһарбытын бигэргэтэр этии киллэриллибитин туһунан суруллубут.
2019 сылааҕы СӨ судаарыстыбаннай бүддьүөтүгэр 2018 сыл ахсынньы 19 күнүттэн 2078-3 47-VI №-дээх «2020 уонна 2021 сылларга былааннаммыт 2019 сыллааҕы бүддьүөт» туһунан СӨ бырайыага бигэргэммитэ. Манна дохуот кээмэйэ 201 млрд 053 мөл солк уонна дефицит кээмэйэ 1 млрд 135 мөл солкуобай диэн.
Миниистир бэлиэтээбитинэн, 2019 сылга судаарыстыбаннай бүддьүөккэ үстэ уларыйыылар киирэ сылдьыбыттар.
Ил Дархан уонна бырабыыталыстыба пресс-сулууспата.