Арассыыйа Бырабыыталыстыбата саппаас пуондаттан 6 млрд солк. харчыны гражданнарга бэриллибит 6,5 %-наах ипотекаҕа кирэдьииттиир тэрилтэлэр ылбатах дохуоттарын толуйууга көрөргө быһаарда.
edersaas.ru
Бу туһунан 1127-р №-дээх дьаһалга Бырабыыталыстыбата бэрэссэдээтэлэ Михаил Мишустин илии баттаата. Дьаһал чэрчитинэн, Үп министиэристибэтэ быйыл саппаас пуондаттан 6 млрд солк. субсидияны «ДОМ.РФ» аахсыйаламмыт уопсастыбаҕа тыырарыгар этилиннэ. Тустаах үп кирэдьииттиир уо.д.а. тэрилтэлэр дьиэ-уот атыылаһарга гражданнарга сылга 6,5 %-ҥа биэрбит кирэдьииттэригэр ситэ ылбат дохуоттарын толуйарга ананар. Бу көмөҕө тирэҕирэн, дойду үрдүнэн 240 тыһ. кэриҥэ киһи олорор дьиэтин-уотун тупсарыныаҕа.
Санатан эттэххэ, 6,5 %-наах чэпчэтиилээх ипотека кирэдьиитин бырайыага Бэрэсидьиэн Владимир Путин дьаһалынан, COVID-19 дьаҥын кэмигэр тутуу салаатын өйүүр сыалтан ылыллыбыта диэн Ил Дархан уонна Бырабыыталыстыба пресс-сулууспата иһитиннэрэр.
Раиса Сибирякова, «Саха сирэ» edersaas.ru