Быраастары таһыыга бүддьүөт тэрилтэлэрин массыыналарын туһаныахтара
Мишустин быраастары таһыыга туох сорудаҕы биэрдэ?
Михаил Мишустин эрэгийиэннэр баһылыктарыгар коронавируска сутуллубут ыарыһахтарга саппаас куойка пуондатын тэрйиини хонтуруолга ылалларыгар сорудахтаата.
Сэтиньи 16 күнүгэр Коронавирус саҥа инфекциятын тэнийиитин бохсууга сүрүннүүр сэбиэт мунньаҕын түмүгүнэн, Бырабыыталыстыба Бэрэссэдээтэлэ Михаил Мишустин эрэгийиэннэр баһылыктарыгар сорудах биэрдэ. Ол курдук, хас биирдии эрэгийиэҥҥэ куойка пуондаттытан 20 % кырата суох, бэлэм турар миэстэ саппааһа баар буолуохтаах.
Маны сэргэ, учаастак быраастара уонна Суһал көмө сулууспалара наада тирээтэҕинэ эбии тырааныспарынан хааччыллыахтаахтар. Бу сыалга биэдэмистибэлэр, бүддьүөт тэрилтэлэрин таах турар (свободнай) массыыналарын туһанары көҥүллүөхтэрэ. Бу ыарыһахтарга суһал көмөҕө дьиэҕэ тиийэллэригэр уонна балыыһаҕа киллэрэллэригэр көмөлөһүөҕэ.
Бырабыыталыстыба баһылыга мэдиссиинэ үлэһиттэрэ федеральнай “суһал линияҕа» эрийиилэргэ түргэнник дьаһаналларыгар соруйда.
Бырамыысыланнай эргиэн министиэристибэтэ уонна Доруобуйа харыстабылын министиэристибэтэ сэтинньи 23 күнүгэр диэри коронавирус саҥа дьаҥын бохсууга наадалаах эмтэр эбии саппаастарын кэмигэр торумнуур үлэни ыыталларыгар соруйда.
РФ Бырабыыталыстыбатын саайтыттан.
Бэлэмнээтэ Женни Стрюкова
Хаартыска: интэриниэттэн