Маны аах

Быраастар уонна учууталлар «Уһук Илиҥҥи ипотеканан» хото туһанан эрэллэр

«Уһук Илиҥҥи ипотеканан» аны быраастар уонна учууталлар туһаналлар. Бүгүҥҥү туругунан туһааннаах бырагырааманан  203 педагог уонна 173 медүлэһит туһанна.

Кинилэргэ уопсайа  1,8 млрд  солк. суумалаах кирэдьиит бэрилиннэ.  Бу туһунан Уһук Илини уонна Арктиканы сайыннарыы министиэристибэтэ иһитиннэрдэ.

 Санатан эттэххэ, бэс ыйыгар «Уһук Илиҥҥи   ипотека» бырагырааматынан миэдиктэр уонна педагогтар туһаналларын туһунан уураахха дойду  премьер-миниистирэ Михаил Мишустин   илии баттаата.   Онон билигин  2%-наах чэпчэтиилээх ипотеканан дьиэ туттууга уонна атыылаһыыга Уһук Илин эрэгийиэнигэр биэс сылтан итэҕэһэ суох олорбут педагогтар уонна миэдиктэр туһанар кыахтаахтар.

edersaas.ru
0
0
Telegram Whatsapp