Дойду үрдүнэн коронавирус дьаҥа өрө туран, үрүҥ халааттаах аанньаллар дьонноруттан-сэргэлэриттэн тэйэн, түүннэри-күнүстэри үлэлэригэр сылдьаллар. Салгын киирбэт таҥастаах, мааскалаах сылдьар үлэ үгэнин дьонугар дойду бэрэсидьиэнэ Владимир Путин эбии төлөбүрдэри төлүүр туһунан дьаһал биэрбитэ.
Дьокуускай куорат килиниичэскэй балыыһатын сыстыганнаах ыарыыларга салаатын сүрүнүүр сэбиэдэссэй Владилена Иванова санаатын үллэһиннэ:
— Өрөспүүбүлүкэбитигэр коронавирус дьаҥар хаптарар дьон ахсаана элбииринэн, биһиги, быраастар дьиэбитигэр-уоппутугар көстүбэккэ үлэлиибит. Быраастарга уонна мэдиссиинэ үлэһиттэригэр анаммыт эбии төлөбүр абаансатын ыам ыйыгар ылбыппыт. Эбии төлөбүр ылан үлэһиттэр санаалара көтөҕүллэн, түүннэри-күнүстэри күргүөмнээхтик үлэлииллэр. Бэлиэтээн этэр буоллахха, төлөбүр хас биирдии үлэһиккэ араастаһар. Коронавирус дьаҥын утары ким хас чаас үлэлээбитинэн ааҕылынна.
Ульяна Захарова.
Хаартыска интэриниэт ситимиттэн туһанылынна.
+1
+1
+1
+1
+1
+1
+1