Быраастар буруйдарынан оҕо өллө

Ааптар: 
Бөлөххө киир:

Биир ыалга алдьархай буолла — үс саастаах кыысчааннара аны бу сиргэ суох…

edersaas.ru

РФ Силиэстийэлиир кэмитиэтин Саха сиринээҕи управлениетын Дьокуускай куораттааҕы отдела үс саастаах оҕо инфекционнай балыыһаҕа өлбүт чахчытынан холуобунай дьыала тэрийдэ. РФ Холуобунай кодексатын 109-с ыст. 2-с чааһынан, ол эбэтэр, идэтин эбээһинэстэрин сөптөөхтүк толорбокко, сэрэҕэ суохтан өлүүгэ тиэрдии бэлиэтэ баарынан.

Силиэстийэ сабаҕалыырынан, бу дьыл бэс ыйын 12 күнүгэр «суһал көмө» диспетчеригэр ыҥырыы киирбит — кыра саастаах оҕолоро температурата тахсыбытын уонна ыалдьарын туоһулуур атын да бэлиэлэр баалларын туһунан.

Биир чааһынан кыысчааны оҕо инфекционнай балыыһатыгар киллэрбиттэр, онтон кэлин реанимация отделениетыгар көһөрбүттэр, оҕо эрэйдээх онно өлөөхтөөбүт…

Бэрэбиэркэ быһаарбытынан, оҕо төһө ыарахан туруктааҕын медиктэр тутатына сөптөөхтүк сыаналаабатахтар, ол түмүгэр, кэмигэр ирдэнэр суһал көмөнү оҥорботохтор.

Силиэстийэ бара турар, элбэх экспертиза анаммыт.

Бу туһунан РФ СК Саха сиринээҕи управлениета иһитиннэрдэ.

Биһиги корр., «Саха сирэ» хаһыат, edersaas.ru

Хаартыска: интэриниэттэн.

+1
0
+1
0
+1
0
+1
0
+1
0
+1
0
+1
0