Быраастар 13 киһи олоҕун туһугар охсуһаллар

Бөлөххө киир:

Ааспыт сууккаҕа өрөспүүбүлүкэҕэ коронавируһунан 1525 киһи ыалдьыбыта бэлиэтэммититтэн, 135 киһи балыыһаҕа киирэн эмтэнэр.

«Дьокуускай куорат балыыһаларыгар -– 89, оройуон балыыһаларыгар 46 киһи киирдэ. Биир суукка иһигэр 3 оҕо эмиэ балыыһаҕа эмтэнэ киллэрилиннэ, ону таһынан уопсайа 53 эмтэнээччи ыарахан туруктаах. Реанимация отделениеларыгар быраастар ыарахан туруктаах 13 киһи олоҕун туһугар охсуһаллар. Хомойуох иһин, кинилэр бары быһыыны ылбатахтар», — диэн доруобуйа харыстабылын миниистирэ Лена Афанасьева бүгүн өрөспүүбүлүкэтээҕи суһал штаб брифинигэр иһитиннэрдэ.
Министр эппитинэн, «Омикрон» штамм олус түргэнник тарҕанарын уонна саҥа ыалдьыбыт дьон ахсаана элбиирин да иһин, үгүс ыарыһахтар арыый чэпчэкитик аһараллар.
Онуоха, ыарыыны сэрэтэр быһыыны ылыы улахан оруоллаах. Быһыы бастакы компоненын 562 708 киһи (нэһилиэнньэ 78,5%) ылла. Онтон ревакциянацияны 118 098 киһи (ревакцинация ылар болдьохторо кэлбит дьонтон 58%) ааста.
Лена Афанасьева суһаллык быһыыны уонна ревакциянацияны ылары санатан туран, бэйэбит уонна чугас дьоммут доруобуйатын харыстыырга ыҥырда.

Надежда ЕГОРОВА, «Саха сирэ», edersaas.ru

+1
0
+1
0
+1
0
+1
0
+1
0
+1
0
+1
0