Ыам ыйын 1 күнүгэр сэлэлээн хаамыыга Дьокуускайга Киров уулуссатын бэлэмнииллэр.
Бырааһынньыктары көрсө манна сири-уоту ыраастааһыҥҥа, өрө тардыыга субуотунньук өрө көтөҕүллүүлээхтик ыытылынна. Санатан эттэххэ, Ленин проспегар хапытаалынай өрөмүөн бара турарынан, быйыл Киров уулуссатынан сэлэлээн хаамыахтара.
Үөрүүлээх күнү көрсө уокуругу ыраастааһыҥҥа ХИФУ устудьуоннара кыттыыны ыллылар. Субуотунньукка 1-5 кууруска үөрэнэр 50 устудьуон, Октябрьскай уонна Киин уокуруктар дьаһалталарыттан уон үлэһит тахсан көхтөөх кыттыыны ыллылар диэн иһитиннэриигэ этиллэр.
—Устудьуоннар субуотунньукка сүргэлэрэ улаханнык көтөҕүллэн, үөрэн-көтөн туран кытыннылар. Оптуобустар тохтобулларын кытары өрө тартылар, сэргэхситтилэр, — диэн Киин уокурук дьаһалтатыттан иһитиннэрэллэр.
Дьокуускай куорат дьаһалтатын пресс-сулууспата
Хаартыска: СИА