Бырааһы дьиэҕэ ыҥырарга автобаза массыыналара туһалыыллар

Бөлөххө киир:

Коронавирус инфекцията тарҕанарын бопсор туһуттан өрөспүүбүлүкэ быраастара хаһааҥҥытааҕар да ыгым эрэһииминэн уонна ыксаллаах балаһыанньаҕа үлэлииллэр. Онуоха көмөҕө наадыйааччыларга тиийэллэригэр ханнык да харгыстары көрсүө суохтаахтар.

edersaas.ru

Олохтоммут быраабыланан, коронавирус инфекцията тарҕанар кутталынан сибээстээн, куорат үгүс поликлиникалара эмтэнээччилэргэ былааннаммыт көрүүлэри тохтоттулар, ыарыһахтар поликлиникаҕа кэлиэ суохтаахтар, бырааһы дьиэлэригэр ыҥырыахтаахтар. Онон, биллэн турар, эмчиттэр ыҥырыыга барар түгэннэрэ элбээтэ.

Ол да иһин, Саха Өрөспүүбүлүкэтин Ил Дархана Айсен Николаев быһаарыы ылыммытынан, СӨ Ил Дарханын уонна бырабыыталыстыбатын, парламенын автобазатын 20 массыыната көмөҕө тахсыбытын туһунан суруйбуппут. “Эмчиттэр ыарыһахтарга тиийэллэригэр элбэх массыына наада, хомойуох иһин, мэдиссиинискэй тэрилтэлэргэ оннук массыыналара тиийбэт. Ол иһин, автобаза массыыналарын биэрэргэ быһаарылынна. Бу балаһыанньаны хонтуруоллуурга уонна ыалдьыбыт дьону кытары хантаактаспыт дьону суһаллык быһаарарга көмөлөһүө диэн эрэнэбит”, — диэн Ил Дархан бэлиэтээн эппитэ.
Массыыналар СӨ Доруобуйа харыстабылын дьаһалыгар бэриллэн, быраастары нэһилиэнньэ ыҥырыытыгар тиэйэллэр.
СӨ Доруобуйа харыстабылын министиэристибэтин суһал штабын салайааччыта Алена Барашкова иһитиннэрбитинэн, автобаза массыыналара Дьокуускай куорат Мэдиссиинэҕэ киинин, Дьокуускай куорат 2 уонна 3 нүөмэрдээх балыыһаларын, куорат 1 нүөмэрдээх поликлиникатын быраастарын нэһилиэнньэ ыҥырыытыгар тириэрдэллэр.
Надежда ЕГОРОВА, Саха сирэ”, edersaas.ru

+1
0
+1
0
+1
0
+1
0
+1
0
+1
0
+1
0