«Бүлүү» федеральнай суол хаһаайыстыбатын управлениета иһитиннэрэринэн, 2019 сыл муус устар 1 күнүттэн Таас Үрэхтэн Иркутскай уобалас Верхнемарково бөһүөлэгэр диэри кыһыҥҥы суол сырыыта тохтуур.
edersaas.ru
Кэлэр ый маҥнайгы күнүттэн Бүлүү федеральнай айан суолугар Үөһээ Бүлүүгэ, Дьаархаҥҥа, Күндээдэҕэ, Устьеҕа, Кириэстээххэ өрүһү туоруурга массыына ыйааһына кыччыахтаах.
Халыма Р-504 федеральнай айан суолугар Дьокуускай – Аллараа Бэстээх, Хаандыга – Мэҥэ Алдан туһаайыытынан ыарахан ыйааһыннаах массыыналар сырыылара хааччахтаныа.
Өрүһү туоруур кыһыҥҥы суол күн-дьыл туругуттан көрөн, быһа холоон, муус устар 15 күнүттэн сабыллыаҕа.
Нэдиэлэ ахсын суол-иис туругун http://viluy.rosavtodor.ru. сайтка киирэн билсиэххитин сөп.
Марианна Тыртыкова, «Саха сирэ», edersaas.ru