Бэлиитикэ Маны аах Уопсастыба

Былырыын оҕолоох ыалы өйүүргэ анаан 14,5 млрд солк. ыыппыттар

Былырыын оҕолоох ыалы өйүүргэ анаан  СӨ Үлэҕэ уонна социальнай сайдыыга министиэристибэтин нөҥүө 14,5 млрд солк. үбү ыыппыттар. Бу 2018 сыллааҕы таһымы кытта тэҥнээтэххэ, түөрт бүк элбэх диэн миниистир Елена Волкова быһа сибээс кэмигэр эттэ.

edersaas.ru

Итинтэн оҕо төрөөһүнүн кытта сибээстээх эрэ өйөбүлгэ “Демография” национальнай бырайыак иитинэн 5 млрд  солк. тахса сууманы ыыппыттар.

2021 сылга төрөппүт сааһыттан тутулуга суох, 3300-тэн тахса ыал бастакы оҕотугар 37 тыһ. 118 солк. төлөбүрү ылбыт. Итинтэн 2000-тан тахса эдэр төрөппүккэ 7 513 солк. эбии төлөбүр көрүллүбүт.

Оттон оҕо табаарын, бастакы ирдэнэр табаары атыылаһарга эдэр ыалга бастакы оҕотугар туһаайыллыбыт төлөбүр 44 600 солк. тэҥнэспит.

Былырыын иккис оҕоҕо эрэгийиэннээҕи бэриллэр “Ийэ хапытаалын” 1,5 тыһ. курдук дьиэ кэргэн туһаммыт. Онтон үһүс уонна онтон кэлэр оҕоҕо көрүллэр өрөспүүбүлүкэтээҕи “Дьиэ кэргэн” ийэ хапытаалын 3000 курдук ыал туһаммыт.

 

 

Людмила ПОПОВА, “Саха сирэ” хаһыат, edersaas.ru

Хаартыска: СИА

1
0
Telegram Whatsapp