Былатыан Ойуунускай аатынан литература түмэлэ онлайн-тэрээһиҥҥэ ыҥырар
П.А.Ойуунускай аатынан литература түмэлигэр, муус устар 21 күнүгэр, Ю.И.Шамшурин төрөөбүтэ 100 сылыгар аналлаах онлайн-тэрээһин ыытыллыа. Бу туһунан тустаах түмэл пресс-сулууспата иһитиннэрэр.
Суруйааччы, тылбаасчыт Шамшурин Юрий Иванович тохсунньу 18 күнүгэр 1921 сыллаахха Иркутскай уобаласка Черемхово куоракка төрөөбүтэ. Орто дойдуттан олунньу 27 күнүгэр 1973 сыллаахха Москваҕа барбыта. Кини Аҕа дойду уоттаах сэриитин кыттыылааҕа. 1954 сылтан ССРС суруйааччыларын Холбоһугун чилиэнэ.
1934 сыллаахха дьоно Аммаҕа көһөн кэлбиттэр. Юрий Иванович оҕо сааһа онно ааспыт. Кини Дьокуускайдааҕы педагогическай институтка үөрэммит. Үлэтин Быковка балык собуотуттан саҕалаабыт. «Счастье в твоих руках» айымньытын Кэбээйигэ сылдьан суруйбут. Дьокуускайга ЫБСЛКС обкомугар инструктордаабыт, “Социалистическая Якутия” уонна “Молодёжь Якутии” хаһыаттарга собкоррунан үлэлээбит, радионан иһитиннэрии кэмитиэтигэр, “Полярная звезда” сурунаалга эрэдээктэрдээбит.
П.А.Ойуунускай аатынан литература түмэлигэр муус устар 21 күнүгэр күнүс 11.00 чаастан Ю.И.Шамшурин төрөөбүтэ 100 сылыгар аналлаах куйаар ситиминэн тэрээһин ыытыллар. Шамшуриннар дьиэ кэргэттэрин өйдүүр, Юрий Иванович айымньыларын үөрэтэр, сэргиир дьону кыттаргытыгар ыҥыраллар.
Сибээстэһэр төлөпүөҥҥүт: 8 924 166 97 18 (ватсап), эл. почта efr.56@mail.ru эбэтэр :428912 төлөпүөнүнэн билсиэххитин сөп. https://us02web.zoom.us/j/86108595703?pwd=L0JkU2NxNUJZUnZhZGVEejNlcG42Zz09
Кэмпириэнсийэ идентификатора: 861 0859 5703
Код: 330822
+1
+1
+1
+1
+1
+1
+1