Былаастык тыыны сэҥээрдилэр

Ааптар: 
Бөлөххө киир:

Соторутааҕыта батсаапка тупсаҕай оҥоһуулаах тыы хаартыскатын ыыппыттарын, үгүс киһи өйдөөн хаалбыта чахчы.

edersaas.ru


Мин онно суруллубут төлөпүөҥҥэ эрийэн, билсэ сылдьыбыппар, сэһэргэһээччим ”мастарыскыайбын кэлэн көр” диэн ыҥырбыта. Тиийбитим, уус Егор Данилов номнуо Эдьигээн улууһун булчуттарын үлэ5инэн үс тыыны оҥорон, ыытаары сылдьар эбит. Хата, куоттарбатахпын.

Хоту дойду булчуттара, өрүс дьонун быһыытынан, олох туспа көрүүлээхтэр. Хас биирдии бэйэлэрэ илдьэ сылдьар тыылара араас кээмэйдээх буолар. Бу маннык оҥоһуулаах тыы үчүгэйдик устар, тирэхтээх диэн сакаастаабыттара. Улуус аайы булчут сакаастыыр тыыта атын-атын. Холобура, Уус Алдаҥҥа оҥорбут сакааһым Орто Халыма тыытыттан – олох ураты.  Мин түгэҕэ 50 cм тыыны оҥоро сылдьыбыт буоллахпына, Орто Халыматтан кэлбит үлэххэ биир булчут олох атын оҥоһуулаах сакааһы  биэрбитэ. Тыы түгэҕэ — баара-суоҕа 23 cм. Олох синньигэс, ньылаҕар. Ойоҕоһо ууга үчүгэйдик олорор буолан, ордук тирэхтээх, хамсаабат буолар эбит. Орто Халыма булчута батсаапка ыыппыт тыыбын көрөн, төлөпүөннэһэн баран кэлэ сылдьыбыта. Дьиҥэр, ити биллэриини уустар эрэ бөлөхтөрүгэр  ыыппытым. Ол социальнай ситими барытын кэрийэ сылдьар.

Халыма булчута мас тыыта эргэрбит эбит. Онон былаастык тыыны интэриэһиргээн көрбүтэ. Онтон дьиэтигэр тиийээт, эргэ мас тыытын кээмэйин ылан,“кэтитэ, тумса, олоҕо бачча” диэн ыйан-кэрдэн ыыппыта. Мин бэйэбэр да интэриэһинэй үлэ буолсу. Итинник түгэхтээх тыыны оҥорон көрө иликпин. Эдьигээннэр тыылара бүттэ. Биирдии бэйэтэ — 15 кг. Онон ханна баҕарар тиэйэ сылдьыахха сөп. Биир тыыны үс күн оҥоробун, дьон үлэҕин өр сытыарбаппын, — диэн кэпсиир Егор Данилов.

Елена ПОТОЦКАЯ, «Саха сирэ» хаһыат, edersaas.ru

Хаартыскаҕа ааптар түһэриитэ

+1
0
+1
0
+1
0
+1
0
+1
0
+1
0
+1
0