Былаас уонна биисинэс кыттыстахтарына, 17 кыбартаал кыһалҕаларын быһаарыллыаҕа
Өрөспүүбүлүкэ былааһын өйөбүлүнэн Дьокуускай уокуруктааҕы дьаһалтатын күүстэринэн киин куорат 17 кыбартаалыгар дьону хаарбах уонна сууллар кутталлаах дьиэлэртэн көһөрүү булгуччу быһаарыллыаҕа.
Бу туһунан эрэгийиэн салайааччыта Айсен Николаев быһа эфиригэр соцситимнэринэн туһанааччылар ыйытыыларыгар хоруйдууругар эттэ.
“Дьокуускайга баһылыктыы олорон, мин 17 кыбартаалтан кыайан көһөрбөккө хаалбытым. Сөптөөх үлэни ыыппыппыт. Биллэрин курдук, Кытай инвестордарын кытта кыһалҕа үөскээбитэ, онтон тутуу салаатыгар атын боппуруостар күөрэйбиттэрэ. Аҕыйах хонуктааҕыта Сардаана Авксентьевалыын 17 кыбартаалга Пионерскай уулуссаҕа оҕо саадын арыйарбытыгар көһөрүүгэ холбоһуктаах бырайыагы дьүүллэспиппит. Туох-ханнык иннинэ куорат дьаһалтатын уонна өрөспүүбүлүкэ былаастарын өйөбүллэринэн киин куорат уонунан тыһыынча олохтооҕун догутар боппуруос булгуччу быһаарыллыахтаах”, — диэтэ Айсен Николаев.
Хаарбах уонна саахалланар дьиэлэртэн көһөрүү федеральнай бырагырааматын чэрчтинэн 17 кыбартаалга кэккэ дьиэлэри көһөрүөхтэрэ. Ил Дархан кыһалҕаны толору быһаарарга куорат, өрөспүүбүлүкэ уонна биисинэс тэҥҥэ кыттыахтаахтар диэн бэлиэтээбитэ.
Дьулустаан Сергеев, СИА