От ыйын 28 күнүгэр Сунтаар улууһун баһылыга Анатолий Григорьев, тыа хаһаайыстыбатын управлениетын салайааччыта Иван Тихонов уонна улуустааҕы тутуу управлениетын инженера Виктор Ефремов буолан Тэҥкэ, Бордоҥ уонна Илимниир нэһилиэктэринэн сылдьан, от үлэтин, тутуу хаамыытын көрөн-истэн, нэһилиэк баһылыктарын кытта көрсүһэн кэпсэттилэр.
edersaas.ru
Тэҥкэ нэһилиэгэр бааһынай хаһаайыстыба салайааччыта Павел Игнатьев “Отор Уус” диэн сирин көрдөрөн, үлэни кытта билиһиннэрэн инники былаанын кэпсээтэ.
Салгыы бөлөх Тэҥкэ начальнай оскуола-саад өрөмүөнэ хайдах баран иһэрин көрдүлэр. Быйыл уот линиятын саҥардыы уонна уларытыы бырагырааматынан үлэ тэтимнээхтик ыытылла турарын көрдүлэр.
Бордоҥҥо, Илимнииргэ от үлэтин хаамыытын билистилэр. Илимнииргэ тутуу бара турар объектарын көрөн, тутааччылары кытта кэккэ боппуруостары быһаарыстылар. Культурнай-спортивнай комплекс тутуутун подрядчик «Андраники»ХЭТ ылсан үлэлии сылдьар. Эргэ уонна хаарбах дьиэлэртэн көһөрүү федеральнай бырагыраама чэрчитинэн 8 кыбартыыралаах дьиэ тутуутун көрдүлэр-иһиттилэр. Үлэни толорооччу «Сунтарэнерго» буолар.
«Сунтаар улууhа (оройуона)» МО дьаһалтатын пресс – сулууспата