Быйылгыттан кэллиэскэ, тиэхиньикумҥа туттарсааччылар докумуоннарын электроннай ньыманан ыы...
· - Олох-дьаһах - Эдэр саас - ЭС - маны аах

Быйылгыттан кэллиэскэ, тиэхиньикумҥа туттарсааччылар докумуоннарын электроннай ньыманан ыытыахтара

Орто анал үөрэх тэрилтэлэригэр саҥа үөрэх дьылыгар докумуону бэс ыйын 20 күнүттэн тутуохтара. Быйыл сайабылыанньаны СӨ үөрэххэ порталын нөҥүө электроннай ньыманан ылыахтара.

edersaas.ru


Билигин орто анал үөрэх тэрилтэлэрэ бырагыраамаларын бэлэмнииллэр уонна тутар хамыыһыйа эппиэттиир сэкирэтээрдэрин үөрэтэллэр. Кинилэргэ тиэхиньичэскэй өттүнэн СӨ саҥа технологияларга института уонна Инфокоммуникационнай технологиялар өрөспүүбүлүкэтээҕи кииннэрэ көмөлөһөр.

Тутар хампаанньа “Е-Услуги. Образование” систиэмэнэн ылыаҕа.  Бу билигин үлэлии турар “Сетевой город. Образование. Модуль ПОО” үөрэх систиэмэтигэр холбонор. Үөрэххэ киириигэ абитуриент дааннайдара барыта кэллиэс электроннай сурунаалыгар көһүөҕэ.

Электроннай ньыманан сайабылыанньаны бэлиэтээһин 2020 сыл бэс ыйын 20 күнүттэн https://edu.e-yakutia.ru эрэгийиэннээҕи порталга аһыллыаҕа. Маныаха абитуриеннар https://www.gosuslugi.ru/ судаарыстыбаннай өҥө порталыгар бэлиэтэммит буолуохтаахтар. Бэлиэтэммэтэх түгэннэригэр эрдэттэн регистарцияланар ирдэнэр.

Үөрэххэ ылыы абитуриент тус бэйэтин сайабылыанньатынан барар. Күнүскү үөрэххэ бүддьүөт миэстэтигэр докумуону атырдьах ыйын 15 күнүгэр диэри, оттон эбии тургутуулаах идэлэргэ атырдьах ыйын 10 күнүгэр диэри ылаллар.

Үөрэх тэрилтэлэригэр миэстэ баар түгэнигэр докумуону сэтинньи 25 күнүгэр диэри туталлар.

 

СӨ Үөрэҕин уонна наукатын пресс-сулууспата.

 

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

пять × пять =