Кэлэр субуоталаах өрөбүлгэ “Триумф” киин уораҕайыгар Саха АССР, РСФСР, ССРС үтүөлээх тириэньэрэ Дмитрий Коркин кэриэһигэр көҥүл тустууга норуоттар икки ардыларынааҕы турнир ыытыллыаҕа. Онус үбүлүөйдээх түһүлгэҕэ, Арассыыйаны аахпакка туран, сүүрбэ алта дойду күүстээх бөҕөстөрүн ыытарын номнуо бигэргэтэн олорор. edersaas.ru
Ааспыт сылларга норуоттар икки ардыларынааҕы турнир кыттыылаахтарыгар саха төрүт оонньуутугар – хапсаҕайга күрэс тэриллэн ыытыллар эбит буоллаҕына, быйыл ити күрэхтэһии ыытыллыбат. Ити туһунан спорка үрдүкү маастарыстыба оскуолатын дириэктэрин солбуйааччы Леонид Спиридонов “Саха сирэ” хаһыат кэрэспэндьиэнигэр иһитиннэрдэ. Ол оннугар “Фортуна” кэнсиэртиир ааҕыныстыба киирии билиэттэринэн сүүйүүлээх лотерея тэрийэн ыытыаҕа.
Роман Попов, “Саха сирэ” хаһыат, edersaas.ru