РФ Үөрэҕин министиэристибэтэ уонна Рособрнадзор быйылгы Биир кэлим эксээмэн болдьоҕун бигэргэттилэр. Докумуон тустаах саайтка таҕыста диэн «Российская газета» иһитиннэрэр.
Бастакы эксээмэн номнуо ыам ыйын 31 күнүгэр ыытыллыаҕа. Бу күн оскуоланы бүтэрээччилэр географияны, литератураны уонна химияны туттарыахтара. Оттон нуучча тылын эксээмэнэ икки күн ыытыллыаҕа — бэс ыйын 3-4 күннэригэр.
Бэс ыйын 7 күнүгэр — математика (профиль);
бэс ыйын 11 күнэ — история, физика;
бэс ыйын 15 күнэ — обществознание;
бэс ыйын 18 күнэ — биология, омук тыллара (английскай, французскай, немецкай, испанскай, кытай тыла) («Говорение» салааттан ураты);
бэс ыйын 21 күнэ — омук тыллара («Говорение»);
бэс ыйын 22 күнэ — омук тыллара («Говорение»);
бэс ыйын 24-25 күннэрэ — информатика уонна ИКТ;
бэс ыйын 28, 29 күннэрэ уонна от ыйын 2 күнэ — резервэ күннэрэ.
От ыйын 12-17 күннэригэр сүрүн эксээмэннэри көтүппүттэр туттаралларыахтара.
Быйыл БКЭ-и үрдүк үөрэх кыһатыгар киириэн баҕалаахтар эрэ туттараллар. Оттон үрдүк үөрэххэ туттарсар былаана суох 11-с кылааһы бүтэрээччилэр БКЭ оннугар Судаарыстыбаннай выпускной эксээмэни (ГВЭ) туттарыахтара — нуучча тылыгар уонна математикаҕа.