2010 сыллаах биэрэпистэн быйыл кэккэ уларытыылар киирбиттэр. Ол курдук, биэрэпискэ киһи үс көрүҥүнэн хабыллар кыахтаах. Бастатан туран, биэрэписчиттэр урукку курдук, биирдиилээн аадырыстарынан кэрийэн суруйаллар.
Иккиһинэн, алтынньы 4 күнүттэн 27 күнүгэр диэри дьон саамай сылдьар сирдэригэр, холобур, култуура дьиэтигэр биитэр олохтоох дьаһалтаҕа, стационарнай учаастактары тэрийэн, онно олорон биэрэпиһи ыыталлар.
Үсүһүнэн, аныгы технология хотоойутук киирбитинэн, биэрэписчит хаһан кэлэрин кэтэспэккэ, киһи судаарыстыбаннай өҥөлөр порталларыгар Gosuslugi.ru киирэн, биэрэпис суруйар илииһин бэйэтэ толоруон сөп. Бу порталларга мобильнай сыһыарыыларынан киириллэр, онуоха харчы төлөммөт.
Суруйар илиис үс былааҥкалаах. Маҥнайгы “Л” былааҥка Арассыыйаҕа бастайааннай олорор дьоҥҥо, “В” былааҥка быстах кэмҥэ кэлэ сылдьааччыларга толоруллар, оттон “П” былааҥкаҕа киһи (ыал) олорор дьиэтин-уотун туһунан сибидиэнньэлэри суруйарга ананар.
edersaas.ru
+1
+1
+1
+1
+1
+1
+1