Бэлиитикэ

Быйылгы биэрэпис уратылара

Бүтүн Арассыыйатааҕы нэһилиэнньэ биэрэпиһэ алтынньы 15 күнүттэн саҕалаан, сэтинньи 14 күнүгэр диэри ыытыллар.

Ол эрээри ыраах сытар, суола-ииһэ суох нэһилиэнньэлээх пууннарга кыһыҥҥы суолу баттаһа ыытыллыбыта.

– Муус устарга аҕыс хотугу улууска, от ыйыгар Өлүөхүмэ улууһун, атырдьах ыйыгар Алдан, Өймөкөөн уонна Уус Маайа улуустарын кытыы нэһилиэктэригэр ыытыллыбыта, – диир Статистика управлениетын Саха сиринээҕи салаатын эппиэттээх исписэлииһэ Мария Деляшова. – Онон билигин 17 улуус ыраах нэһилиэктэригэр биэрэпис түмүктэнэн эрэр.

Быйылгы биэрэпис иккис уратытынан пандемиянан сибээстээн харыстыыр дьаһал быһыытынан, гражданин судаарыстыба өҥөтүн порталыгар киирэн сыыппаранан уонна QR-куоду ылан, биэрэпис илииһин бэйэтигэр уонна дьиэ кэргэнигэр толоруон сөп. Ону сэргэ алтынньы 18 күнүттэн саҕалаан биэрэписчиттэр учаастактарынан, дьиэлэринэн сылдьан үлэлиэхтэрэ, онуоха суруйар чахчыларын барытын планшекка киллэриэхтэрэ.

Раиса Сибирякова.

0
0
Telegram @edersaas20