Производственнай халандаарга олоҕуран, үүнэр ыйга барыта 21 күн үлэлиэхпит итиэннэ, бырааһынньыгы уонна субуоталаах өрөбүллэри ааҕан туран, тоҕус күн сынньаныахпыт.
Сэтинньи 4-гэр Арассыыйа олохтоохторо Норуот сомоҕолоһуутун күнүн уон үһүс төгүлүн бэлиэтиэхтэрэ.
Бу күн субуотаҕа түбэһэринэн, РФ бырабыыталыстыбатын 2016 сыл атырдьах ыйын 4 күнүнээҕи “2017 сылга өрөбүл күннэри көһөрүү туһунан” уурааҕар олоҕуран, атын күҥҥэ көһөрүллэн биэриллиэҕэ. Ол курдук, сэтинньи 6-та, бэнидиэнньик, өрөбүл күнүнэн биллэриллиэҕэ. Онон сэтинньи 4-тэн 6-гар диэри сынньаныахпыт. Бырааһынньык күнүн иннинээҕи бээтинсэ, сэтинньи 3-һэ, кылгас үлэ күнүнэн буолуоҕа.
Роман Попов, “Саха сирэ” хаһыат, edersaas.ru
+1
+1
+1
+1
+1
+1
+1