Быйыл сайын сөҥүү түһүүтэ аҕыйах
Олох-дьаһах

Быйыл сайын сөҥүү түһүүтэ аҕыйах

Сыл аайы күөххэ үктэниигэ бары даҕаны «Быйыл хайдах сайын буолуоҕай?»  диэн толкуйга түһэбит.

edersaas.ru

«Дьэ, хайдах сайын буолуоҕай?» — диэн ыйытыылаах мин Дьокуускайдааҕы гидроме­тео-сулууспа салайааччытын солбу­йааччы Вячеслав Шехировтан туоһуластым. Метеоролог кэпсэтиибитин: «Биһиэхэ өр кэмнээҕи айылҕа туругун кэтээн көрөр сулууспа суоҕунан сибээстээн, оннук өҥөнү оҥорор Иркутскайдааҕы гидрометео-управлениетын чахчыларыгар олоҕуран билиһиннэ­риэм», — диэн саҕалаата.

Ол курдук, Саха сирин киин уонна арҕаа улуустарыгар бэс ыйын бастакы аҥаарыгар күнүс ортотунан +20, +25 кыраадыс сылыйыаҕа. Түүн +4-5 кыраадыс сылаас буолуоҕа. Бэс ыйын иккис аҥаарыгар түүн +9-14 кыраадыс, күнүс +26-31 кыраадыс итии буолуоҕа. Бу былырыыҥҥыга тэҥнээтэххэ, икки кыраадыһынан үрдүк. Сөҥүү түһүүтэ ыйдааҕы орто нуормаҕа тиийбэт.

От ыйа куйаас буолуоҕа. Бу көстүү былырыыҥҥыга тэҥнээх. Илин, соҕуруулуу-илин оро­йуоннарга температура нуормаҕа тэҥнэһиэҕэ. Хотугулуу-Илин, Халыма-Индигиир, Дьааҥы, Булуҥ улуустарыгар сөҥүү түһүүтэ аҕы­йах. Маны тэҥэ, Саха сирин соҕуруу өттүгэр уонна киин улуустарга ардах түһүүтэ эмиэ кэмчи. Арай Арҕаа улуустарга нуормаҕа тии­йэр ардах түһүөҕэ, — диэн исписэ­лиис-метеоролог быһаарда.

Дьэ, онон куйаас күннэр кэлээри тураллар. Сөҥүү аҕыйах буолар үһү…

 

Елена ПОТОЦКАЯ, «Саха сирэ» хаһыат, edersaas.ru

 

Хаартыска — интэриниэттэн.

 

1
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

11 − 1 =