Быйыл Кавказ хайаларыгар сынньана барыы элбээбит

Бөлөххө киир:

Билиҥҥи туругунан, Арассыыйа эрэгийиэннэригэр барыта 12 мөлүйүөнтэн тахса киһи сынньаммыт. Ити былырыыҥҥы көрдөрүүттэн уон бырыһыанынан үрдүк. Уоппускалаахтар быйыл Кавказ хайаларыгар, Байкалг күөлгэ, Алтайга, Камчаткаҕа сылдьыбыттар.

Туризм федеральнай ааҕыныстыбатын салайааччыта Зарина Догузова иһитиннэрбитинэн, билигин Арассыыйа олохтоохторо үгүстэрэ эрэгийиэннэр икки ардыларыгар сынньанан кэлэллэр эбит. Үгүстэр бэйэлэрин массыыналарынан айанныыллар. Ити биир өттүнэн соҕуруу куораттарга аэропортар сабыылаахтарын кытары сибээстээх. Краснодары, Сочины, Крымы, Москваны, Санкт-Петербуру таһынан быйыл хаһааҥҥытааҕар дьон-сэргэ Кавказка, Балтикаҕа, Уралга, Сибииргэ, Алтайга, Уһук Илин эрэгийиэннэригэр сылдьыбыт. Крымҥа быйыл былырыыҥҥытааҕар икки төгүл элбэх киһи сынньаммыт. Уоппуска кэмигэр Арассыыйа эрэгийиэннэригэр барыта 31 мөлүйүөн киһи сынньаныаҕа диэн былаанныыллар.

Тырааныспар миниистирэ Виталий Савельев иһитиннэрбитинэн, билиҥҥи буола турар балаһыанньанан 15 тас дойдуга эрэ быһа көтүү баар. Арассыыйа 11 аэропорда билигин да сабыылаах турар. Онон бу эрэгийиэннэргэ салгын тырааныспарынан көтүү оннугар тимир суолугар ноҕорууска улааппыт. Москваттан Сочига, Санкт-Петербурга, Калининградка, Минеральные Воды хайысхаларынан көтүү элбээбит.

Аграфена КУЗЬМИНА

+1
0
+1
0
+1
0
+1
0
+1
0
+1
0
+1
0