Быйыл ХИФУ-га үөрэххэ киирэр оҕолор уопсайга хайдах киирэллэрий?
Оскуоланы саҥа бүтэрэн, абитуриенныы кэлбит оҕолор уопсайынан хааччыллаллар дуо? Үгүс өттүгэр оҕолор үөрэххэ докумуоннарын электроннай ньыманан ыыталлар. Ол гынан баран, сорохтор Дьокуускайга кэлэн туттарсыахтарын эмиэ сөп.
Урут «абитура» кэмигэр ХИФУ оҕолору кыра төлөбүргэ уопсайга олордор эбит. Ол эрээри оннук анал бырагыраама 2020 сылтан, Covid-19 ыарыы туруоҕуттан, суох буолбу
Бүгүҥҥү туругунан «Сэргэлээх» устудьуон куоратыгар 17 уопсай баар, ол онтон 15-гэр устудьуоннар олороллор. 2023 сылга 6198 миэстэ көрүллүбүт. Саҥа үөрэххэ киирэр оҕолорго – 1335 миэстэ.
Уопсайга киирэргэ наадалаах докумуоннар:
- сайабылыанньа,
- пааспар куоппуйата,
- дьиэ кэргэниҥ састаабын туһунан ыспыраапка,
- төрөппүттэриҥ дохуоттарын туһунан ыспыраапка,
- льготаҕа хапсар оҕолортон өссө атын докумуон ирдэнэр.
Уопсайга киирии үөрэх бирикээһэ тахсыбытын кэннэ, атырдьах ыйын бутэһик күннэригэр буолар. Маҥнайгы түһүмэххэ киирбэтэххитинэ иккис, үһүс бирикээскэ баар буолуоххутун сөп. Маны таһынан сылы эргиччи миэстэ таҕыста да, син биир киллэрэ тураллар.
Нарыйаана Ушатова