Быйыл Дьокуускайга 160-ча дьиэни саахалланар туруктаахтарынан быһаарыахтара
Былаан быһыытынан 2032 сылга диэри Дьокуускайга саахалланар туруктаах эргэ дьиэлэр суох буолуохтаахтар. Ол аата, иккилии этээстээх мас дьиэлэр бары күрдьүллүөхтээхтэр. Маны ситиһэр инниттэн сөптөөх үлэ барар. Ол курдук, 2021 сыл түмүктэниэр диэри Дьокуускайга 160-ча дьиэ саахалланар туруктааҕа быһаарыллыаҕа.
Бу чэрчитинэн, куорат мээрэ Евгений Григорьев киин куорат Бырамыысыланнай уокуругар сылдьан, иккилии этээстээх мас дьиэлэри көрдө. Бу сырыы түмүгүнэн кэккэ дьаһаллар ылылыннылар. Ол курдук, Очиченко уулусса 20-гэр турар дьиэни хаһаайыттар 1979 сыллаахха ылбыттар. Саахалланар туруктаахха киллэрэн, хаһаайыттарын көһөрөргө сөптөөх үлэни ыытарга быһаардылар. Эмиэ бу уулусса 21-гэр биир ыал дьиэтин үрдэ сууллан түспүтүн көрдүлэр. Дьону көһүөхтэригэр диэри сылааһы биэрэргэ диэн быһаардылар. Бырамыысыланнай уокурук үрдүнэн 325 дьиэ баарыттан 196-та мас тутуулар.
edersaas.ru