Маны аах Уопсастыба

Быйыл Бүлүүтээҕи ГЭС-тэн халаан кэмигэр ууну ыытыахтара суоҕа

Сотору өрүстэрбит халыҥ муустарыттан төлөрүйүөхтэрэ. Өлүөнэ тардыытынааҕы уу управлениетын  салайааччыта Петр Аргунов РИА-ҕа иһитиннэрбитинэн,  сааскы халаан кэмигэр Бүлүүтээҕи ГЭС-тэн ууну ыытыахтара суоҕа, тоҕо диэтэххэ, уу таһыма кыра.

Санатар буоллахха, Бүлүүтээҕи ГЭС Арассыыйа үрдүнэн биир саамай улахан искусственнай дэниллэр улахан “муоранан” буолар.  Бүлүү өрүскэ баар. Водохранилище  Бүлүүтээҕи гидроыстаансыйаны үлэлэтэн, Саха сирин арҕаа улуустарын уотунан хааччыйар.

«Кэлиҥҥи кэмҥэ сылын аайы  ГЭС водохранилищетыгар уу таһыма түһэн иһэр. Онон сөптөөх миэрэлэри ылынабыт.  Росводресурс аппараата уонна тус боломуочуйалаах тэрилтэлэр оробуочай бөлөхтөрүн мунньаҕар быйыл саас  халаан кэмигэр ГЭС-тэн ууну быраҕары тохтотор туһунан быһарыыны ылынныбыт», — диэн быһаарбыт.

Росводресурс управлениета иһитиннэрэринэн,  ГЭС уутун толору кээмэйэ барыта  40,4 куб км тэҥнэһэр, итинтэн  көдьүүстээх диэнэ 22 куб км буолар.  Водохранилищеҕа уу таһыма ордук 1986-1987 сс түһэ сылдьыбыт.

Хаартыска Бикипиэдийэттэн.

 

 

0
0
Telegram @edersaas20