Быйаҥныырдар кууруссаларын  элбэтиэхтэрин баҕараллар

Ааптар: 
Бөлөххө киир:

СӨ Ил Дархана Айсен Николаев үөскээбит быһыынан-майгынан  күн аайы сүбэ мунньахтары тэрилтэлэр салайааччыларын кытта ыытар. Бэҕэһээ кини сүрүн болҕомтону дьон-сэргэ астаах-үөллээх буоларын туһугар түргэнник иитэр салааны сайыннарыыга ууруохха диэн сорудахтаабыта.

Биллэрин курдук, түргэнник ситэр салааны өрөспүүбүлүкэ бастакы бэрэсидьиэнэ Михаил Николаев өрөспүүбүлүкэни салайар кэмигэр көҕүлээбитэ. Ону нэһилиэнньэ сүрдээҕин биһирээбитэ. Хоту улуустарга бу хамсааһын бэрт тэтимнээхтик ыытыллыбыта.

— Төһө да хоту сыттарбыт Быйаҥныыр нэһилиэгин олохтоохторо бэйэлэрин кыахтарынан сүөһү-ас туталлар, куурусса, сибиинньэ да иитэн көрөллөр. Нэһилиэккэ 28 ыал олороруттан 4 ыал куурусса иитэр, 3 ыал сибиинньэ тутар. Көрдөххө, ахсаана аҕыйаҕын да иһин, иитэр санаа баар. Бу да сырыыга ыаллар куурусса, сибиинньэ аҕалтарарга олохтоох дьаһалтаҕа сакаастаатылар. Холобур, 75 кууруссаны ыларга суруйтардылар. Сабаҕалааһын быһыытынан муус устарга, ыам ыйыгар, баҕар, аҕалыахтара диэн эрэнэ кэтэһэбит. Көстөн иһиэ буоллаҕа дии. Түргэнник ситэр салааны сайыннарыахха, маныаха тыа сирин олохтоохторугар балары, дьиэ кыылларын тиэрдиэххэ  диэн Айсен Николаев сөпкө этэр, — диэтэ Аллайыаха улууһун Быйаҥныыр нэһилиэгин баһылыга  Анастасия Большакова.

Бэлэмнээтэ Женни Стрюкова

Хаартыска: Быйаҥныырга (архыып)

+1
0
+1
0
+1
0
+1
0
+1
0
+1
0
+1
0