Доруобуйа Маны аах

Быһыыны ылыыга хотугу улуустар иннники иһэллэр

СӨ Ил Дархана Айсен Николаев бүгүн өрөспүүбүлүкэтээҕи Суһал штаб мунньаҕар коронавирустан быһыыны ылыыга үчүгэй көрдөрүүлээх улуустары бэлиэтииргэ эрэгийиэн бырабыыталыстыбатыгар сорудахтаата.

Онуоха сыл түмүгүнэн өйөбүл миэрэлэрэ ылыллыахтара. «Уон оройуоҥҥа быһыы бастакы компоненын ылыыга 80% аһардылар. Ол эрээри, уон оройуоҥҥа улахан дьон быһыы бастакы компоненын ылыытын көрдөрүүтэ 70%-тан намыһах. Биһиэхэ уон оройуон инники иһэрэ чопчу биллэр, ону таһынан уонча хаалан эрэр оройуон баар. Холобур, Чурапчы оройуона 60% да тиийбэтэ. 15 оройуоҥҥа уонна куорат уокуруктарыгар көрдөрүүлэрэ 70-80 бырыһыаҥҥа халбаҥныыр», -– диэн өрөспүүбүлүкэ баһылыга бэлиэтээтэ.

Улахан дьон быһыы бастакы компоненын ылыыга  көрдөрүүлэринэн, үс инники иһээччилэргэ Аллайыаха (98,06%), Аллараа Халыма (95,5%), уонна Орто Халыма улуустара (93,78%) киирсэллэр.

Надежда ЕГОРОВА, «Саха сирэ», edersaas.ru

0
0
Telegram @edersaas20