Ольга Балабкина бүгүҥҥү брифиҥҥэ өрөспүүбүлүкэҕэ коронавирус дьаҥын туругун туһунан билиһиннэрдэ.
Мэҥэ Хаҥалас улууһугар эпидемиологическэй быһыы-майгы тыҥааһыннааҕын, ол гынан баран дьаҥ тарҕаныыта арыый намтаан эрэрэ бэлиэтэнэрин иһитиннэрдэ. Бэс ыйын 8 күнүнээҕи туругунан өрөспүүбүлүкэҕэ уопсайа 202 409 доза вакцина кэлбит, онтон бастакы быһыыны 179 383 киһи ылбытын эттэ. Өрөспүүбүлүкэ бары балыыһаларыгар иккис быһыыны ылыы күүскэ барарын бэлиэтээтэ. Өрөспүүбүлүкэ быһыыны ыла илик олохтоохторун, коронавирус утары вакцинаны баҕа өттүнэн быһаарынан ылалларыгар ыҥырда.
+1
+1
+1
+1
+1
+1
+1